Al-Bireh
Al-Bireh | ||
---|---|---|
hiria | ||
![]() | ||
| ||
Administrazioa | ||
Herrialdea | ![]() | |
Gobernazioa | Ramallah eta al-Bireh | |
Alkatea | Umar Hammayil | |
Posta kodea | P610, P611, P612, P613, P614, P615, P616, P617, P618 eta P619 | |
Geografia | ||
Koordenatuak | 31°54′18″N 35°12′54″E / 31.9051°N 35.215°E / 31.9051; 35.215 | |
![]() | ||
Azalera | 22,4 km² | |
Altuera | 860 m | |
Mugakideak | Ramallah | |
Demografia | ||
Biztanleria | 49.657 (2021)![]() | |
Dentsitatea | 2.217 bizt/km² | |
Informazio gehigarria | ||
Ordu eremua | UTC+02:00 eta UTC+03:00 | |
Hiri senidetuak | Youngstown (Ohio), Fort Lauderdale eta Gennevilliers | |
http://www.al-bireh.org/ www.al-bireh.org |
Al-Bireh[1][oh 1] (arabieraz: البيرة) Zisjordaniako hiria da. Bertan 35.000 biztanletik gora aurki daitezke. 1993ko Osloko Hitzarmenaz geroztik Palestinaren menpe dagoen hiria da.
Gobernua
Al Birehek Eid Musa alkatea buru zuen udal bat ezarri zuen 1928an, Palestinako Britainiar Agintepean. Zortzi alkate gehiago igaro dira udaletik, bai hauteskundeen bidez, bai gobernuaren izendapenaren bidez. Hiriko alkate ezagunenen artean, Abdul Jawad Saleh nabarmentzen da, hirurogeita hamarreko hamarkadan Israelek erbesteratu zuen arte jardun zuena. Ondoren, PAEko batzorde exekutiboko kide eta Palestinako Aginte Nazionaleko nekazaritza ministro bihurtu zen. 1982an, Israelek administrazio zibila ezarri zuen, nahiz eta 1986an alkate arabiar bat izendatu zuen, Hassan al-Tawil. 1988an, bi urteko agintaldiaren ondoren, eta herritar gehienak aurka zituela, hainbat gutun jaso zituen, dimititzeko eskatuz, eta semeak berak eskatu zion. Bulegotik irtetean sastakatu egin zuten, eta zauritu egin zuten.[2] Palestinako Aginte Nazionalak 12 kideko udal bat ezarri zuen 1996an, Jamal al-Tawil xekea alkate zuela. 2005eko udal hauteskundeetan, Erreforma eta Aldaketaren aldeko Zerrendak, Hamasen laguntzarekin, udaleko 15 postuetatik 9 irabazi zituen, eta gainerako 6ak independenteen esku geratu ziren. Egungo alkatea Umar Hammayil da.
Al Bireh A eremuan dago, Palestinako Aginte Nazionalaren kontrolpean. Al Bireh Palestinako bigarren administrazio-gune handiena da, Gazako hiriaren ondoren bakarrik. Gobernadorearen bulegoez gain, gobernuko erakunde ugari daude Al Birehen, gobernuz kanpokoak eta pribatuak, Garraio, Hornidura, Informazio, Herri Lan eta Goi Mailako Hezkuntza Ministerioak barne, baita Palestine Broadcasting Corporation eta Palestinako Estatistika Bulego Nagusia ere. Ramalatik gertu dagoenez, bi hiriek barruti bakarra osatzen dute Palestinako Aginte Nazionalerako hauteskundeetarako.
Herri eta hiri senidetuak
Youngstown (Ohio) (AEB)
Fort Lauderdale (Florida) (AEB)
Gennevilliers (Frantzia)
Oharrak
- ↑ Berria Estilo Liburuak honako hau gomendatzen du: "Artikulua letra larriz hasieran, eta xehez tartean. Marratxoz loturik idazten da".
Erreferentziak
Ikus, gainera
Kanpo estekak
- Webgune ofiziala
Datuak: Q311326
Multimedia: Al-Bireh / Q311326
![]() ![]() | Artikulu hau Palestinako geografiari buruzko zirriborroa da. Wikipedia lagun dezakezu edukia osatuz. |