Art Garfunkel
Art Garfunkel | |
---|---|
![]() (2017) ![]() | |
Bizitza | |
Jaiotzako izen-deiturak | Arthur Ira Garfunkel |
Jaiotza | Forest Hills, 1941eko azaroaren 5a (82 urte) |
Herrialdea | ![]() |
Talde etnikoa | Juduak Romanian Americans (en) ![]() |
Lehen hizkuntza | ingelesa |
Familia | |
Ezkontidea(k) | Kim Garfunkel (en) ![]() |
Seme-alabak | ikusi
|
Hezkuntza | |
Heziketa | Columbia Unibertsitatea 1961) : arkitektura Forest Hills High School (en) ![]() ![]() Columbia Unibertsitatea 1965) Artean graduatu : artearen historiaren ikerketa Teachers College (en) ![]() (1965 - 1967) Arte-masterra : matematika-irakaskuntza |
Hizkuntzak | ingelesa |
Jarduerak | |
Jarduerak | egile abeslaria, kale-artista, poeta, aktorea, kantugilea, abeslaria, telebista-aktorea eta irakaslea |
Enplegatzailea(k) | Harvard Unibertsitatea |
Jasotako sariak | ikusi
|
Genero artistikoa | rock |
Ahots mota | tenorra |
Musika instrumentua | gitarra ahotsa |
Diskoetxea | Columbia Records Atco Records |
Sinesmenak eta ideologia | |
Erlijioa | judaismoa |
artgarfunkel.com | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() | |
![]() |
Arthur Ira "Art" Garfunkel (New York, 1941eko azaroaren 5a-) abeslari estatubatuarra, ezaguna batik bat Paul Simonekin batera osatu zuen Simon and Garfunkel musika bikoteagatik.
Art Garfunkel eta Paul Simonek eskolan ezagutu zuten elkar, eta Tom and Jerry bikotea osatu zuten hasieran. Arrakasta handiko kantu bat grabatu zuten (Hey Schoolgirl), eta jendaurrean jotzen ere hasi ziren, baina ohiko ikasketak egiten segitu zuten, ikasketa musikalen ordez. Garfunkelek arkitektura eta matematika ikasketak egin zituen. Bien bitartean, elkarrekin kantatu zuten, baina hasierako rock and rolla alde batera utzi eta Simonen folk kantuak hobetsi zituzten.
Simonek hartu zuen kantuak idazteko ardura, eta Garfunkelek moldaketak egin zituen. Handik aurrera beren benetako izenez agertu ziren jendaurrean: Simon and Garfunkel. 1964an argitaratu zuten lehen diskoa, Wednesday Morning, 3 AM. Diskoak ez zuen oihartzun handirik izan, baina bi urte geroago izugarrizko arrakastarekin kaleratu zen ostera, The Sounds of Silence (Isiltasunaren hotsak) titulupean. 1960ko hamarraldiaren bukaerarako arrakasta handiko kantu sorta ederra lortu zuten: The Boxer, Mrs. Robinson eta Bridge over Troubled Water. Arrakastarekin batera, baina, Simon eta Garfunkelen arteko harremana desegiten joan zen, Garfunkelen antzezle izateko nahiagatik, neurri batean.
Banandu ondoren, Simonek musikarekin segitu zuen eta Garfunkelek zineman zenbait saio egin zituen: Catch 22 (1970), Carnal Knowledge (1971) eta, eten luze baten ondoren, Boxing Helena (1993). Horrez gain, zenbait disko grabatu zituen bakarlari gisa, arrakasta handiz: Angel Clare (1973), Breakaway (1975). 1978an berriro elkartu zen Simonekin, eta James Taylorrekin batera, Sam Cookeren bertsio arrakastatsu bat kantatzeko: (What a) Wonderful World. Elkarrekin kantatu zuten, halaber, doako kontzertu jendetsu batean, New Yorkeko Central Parken. Nazioarteko jira bat egiteko saioak huts egin ondoren, bakarkako lanari ekin zion ostera: Garfunkel (1989), Up 'Till Now (1993).
Bakarkako diskoak
- Angel Clare (1973)
- Breakaway (1975)
- Watermark (1977)
- Fate for Breakfast (1979)
- Scissors Cut (1981)
- The Art Garfunkel album (1984)
- The Animals Christmas Album (Amy Grantekin batera) (1986)
- Lefty (1988)
- Garfunkel (1989) (bilduma)
- Up 'til Now (1993)
- Across America (zuzenean) (1997)
- Songs from a Parent to a Child (1997)
- Everything Waits to Be Noticed (2002)
- Some Enchanted Evening (2007)
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo loturak
Wikimedia Commonsen badira fitxategi gehiago, gai hau dutenak: Art Garfunkel ![]() |
- (Ingelesez) Artistaren webgune ofiziala
![]() ![]() | Artikulu hau New Yorkeko estatuko biografia baten zirriborroa da. Wikipedia lagun dezakezu edukia osatuz. |
Datuak: Q4039
Multimedia: Art Garfunkel / Q4039