Boxing Day
Boxing Day | ||
---|---|---|
Mota | public holiday (en) ![]() Eguberritako tradizioak shopping day (en) ![]() Bank holiday | |
Commemorates (en) ![]() | Second Day of Christmas (en) ![]() | |
Honen parte da | Boxing Week (en) ![]() ![]() | |
Egun | Abenduaren 26 | |
← Christmas Day (en) ![]() | ||
Boxing Day (euskaraz: «Kaxa Eguna») urtero, abenduaren 26ean eta Eguberri egunaren ondoren, Erresuma Batuan ospatzen den jaieguna da. Urte osoko egutegian ospatu ohi diren Bank holiday direlakoetako bat da.
Erresuma Batuaz gain, Commonwealth mankomunitateko britainiar eragina duten hainbat herrialdeetan ere ospatu ohi da, hots, noizbait Britainiar Inperioaren barne egon ziren herrialdeak, tartean Kanada, Australia, Zeelanda Berria eta Hegoafrika.
Izena
Ingelesezko Boxing Day izenaren itzulpena euskaraz "Kaxa Eguna" edota "Kaxen Eguna" litzateke, eta esanahia hitza beraren jatorriarekin lotura luke.
Mundu anglosaxoietik kanpo, Boxing Day izena edo jaieguna modu okerrean Eguberri egunaren ondoren jendeak jasotako oparien bilgarriak desegin edota zaborrera botatzearekin lotu izan da. Baina benetazko esanahia bestelakoa da.
Jatorria
Jaiegunaren jatorria Erdi Aroan dago. Eguberri ostean, Britainiar Uharteetako jauntxoek jan eta fruitu soberakinak euren morroiei kaxetan eman ohi zietela iradoki izan da. Egun honetan apaizek aurretik karitatez jasotako dohaintzak kaxetan begi bistara ateratzen zituztela ere proposatu da. Beste teoria baten arabera, abenduaren 26ean, langileak, morroiak eta ikasleak euren lantokietara kaxa batekin joaten omen ziren, hartan nagusiak dirua jarriz. Egunaren amaieran, jasotako dirua eguberrietako opari modura elkarren artean banatu ohi zuten.
Kirola
Futbola
Erresuma Batuan Boxing Day eguna herrialde honetako taldeek eguberrietako usadiozko partiduak jokatu ohi dituzten eguna da. Ondorioz, futbol zelaiak zaletu eta ikuslez lepo egoten dira, batez ere eta ohitura legez guraso eta seme-alabez. Aldiz, Europako gainontzeko herrialde gehienetan futbolariek eguberrietan atseden edo oporrak hartu ohi dituzte.
Bestelakoak
Usadioz jaiegun honetan bestelako kirol nahiz ekitaldiak ere ospatu ohi dira, esate baterako errugbi partiduak, zaldi lasterketak, ehiza, etab.
Ikus gainera
- Doneztebe eguna
- Bank holiday
- Public holiday
Kanpo estekak
Datuak: Q956699
Multimedia: Boxing Day / Q956699