Drakensberg
Drakensberg | |
---|---|
![]() | |
Datu orokorrak | |
Mendirik altuena | Thabana Ntlenyana |
Garaiera | 3.482 m |
Mota | mendikate eta large igneous province (en) ![]() |
Luzera | 1.000 km |
Geografia | |
![]() | |
Koordenatuak | 29°S 30°E / 29°S 30°E / -29; 30 |
Mendikatea | Great Escarpment (en) ![]() |
Estatu burujabe | ![]() |
Hegoafrikako probintzia | ![]() |
Geologia | |
Material nagusia | basalto kuartzita |
Garaia | Triasiko |
Drakensberg[1] (afrikaansez: Drakensberge, "Herensugearen mendiak"; zulueraz: uKhahlamba, "Lantzen hesia"; sothoeraz: Quatlhamba eta, Lesothon sartzen den sektorea, Maluti) edo Drakensberg mendiak[1] Hegoaldeko Afrikako mendigunerik garaiena da; Thabana Ntlenyana (3.482 metro) du gailurra.[2]
Kokapena
Hegoaldeko Afrikako ekialdeko zatian daude, 1.000 kilometro inguruko luzeran, orokorrean hego-mendebaldetik ipar-ekialdera, ipar-mendebaldean Lesotho eta Hegoafrikaren arteko muga eratzen duen kurba bat eginez. Mendikate honetatik mendebaldean Vaal ibaia eta Orange ibaia jaiotzen dira, eta ekialdean eta hegoaldean zenbait ibai txikiago, hauetatik handiena Tugela ibaia. Mendikateak KwaZulu-Natal probintzia Estatu Askea probintziagandik banatzen du, gertuko Nataleko kostaldera hurbilduz.
Mendirik garaiena Thabana Ntlenyana da (3.482 m, Lesothoko garaiena ere bada). Beste mendi nabari batzuk Mafadi (3.450 m, Hegoafrikako garaiena), Makoaneng (3.416), Njesuthi (3.408), Champagne Castle (3.377), Ntabayikonjwa edo Giant's Castle[3] (3.315) eta Ben Macdhui (3.001) dira, guztiak Lesothoko muga inguruan daude; Lesothotik iparraldera, mendikatearen altuera pixkanaka jaisten doa eta ez da hain malkartsua, Mpumalangan sartu arte; hor, Transvaaleko Drakensbergen kuartzitazko mendiak pitzatuagoak dira eta eskalatzaile zein txangozaleentzako erronka dira.
Ezaugarriak
Geologikoki Drakensberg mendiak jatorrizko afrikar ordokiaren hondar bat dira. Mendiak 1.500 metroko sendoera izatera irits daitekeen basaltozko geruza batez koroatuta daude; beherago, hareharria dago eta magal malkartsu eta tontor maldatsuzko konbinaketa sortzen du. Leize-zuloak ohikoak dira hareharrian eta horietako askok san herriaren labar margoak dituzte.
Mendi haietako asko mendizaletsaunerako erronkak dira. Nagusi guztiak konkistatuak izan dira, baina txikiago batzuk oraindik igo gabeak dira. Oinezko ibilaldiak ere jarduera ezagunak dira. Txango luzeetako ibilbidean, sarri, GPSaren laguntza erabiltzen da, baita KZN Faunak (KwaZulu-Natal Wildlife) arruntki banatutako mapena ere, Cape Datum erabiltzen duena erreferentzia geodesiko bezala.
Turismoa Drakensbergen garatzen ari da, maldetan sortzen diren hotel eta gune turistiko ugariei esker. Hegoafrikar mendikatearen zatirik garaienetako gehienak faunaren babesgune edo ehiza babesleku izendatu dira. uKhahlamba edo Drakensberg Parke Nazionala, KwaZulu-Natalen, Lesothoko mugatik gertu, UNESCOk 2000n Gizateriaren Ondarearen zerrendan jarri eta 242.813 hektareako hedadura hartu zuen. Parkea Nazioarteko Garrantzidun Hezeguneen Zerrendan ere badago (Ramsarreko hitzarmenaren arabera).
uKhahlamba/Drakensberg mendien parkea1![]() | |
![]() Drakensberg mendiak | |
Mota | Mistoa |
Irizpideak | i, iii, viii, x |
Erreferentzia | 985 |
Kokalekua | ![]() |
Eskualdea2 | Afrika |
Izen ematea | 2000 (XXIV. bilkura) |
1 UNESCOk jarritako izen ofiziala (euskaratua) 2 UNESCOren sailkapena |
Drakensberg mendietako parke nazionalik ezagunena Natal Real Parke Nazionala da. Han dago Tugela ibaiaren iturria, baita ibai horren Tugela izeneko ur-jauzia ere, 947 metroko altuera duena, mundu osoko bigarren ur-jauzirik garaiena. Erdialdeko mendiek turistei Kambergen san herriaren labar margoak ikusteko eta ibilaldiak bidezidor anitzetatik handienerako sarrerarik hoberena eskaintzen diete.
Erreferentziak
- ↑ a b Euskaltzaindia. (2012-03-30). 167. araua: Saharaz hegoaldeko Afrikako toponimia. .
- ↑ Ricardo Hernani, Andoni Gorostiaga: Atlas de los techos de estados e islas del mundo, Pyrenaica, Bilbo, 2008; 29.or.
- ↑ Zuluerazko izena; ikus Peakhigh[Betiko hautsitako esteka].
Ikus, gainera
Kanpo estekak
Datuak: Q183295
Multimedia: Drakensberg / Q183295