Eisteddfod
Eisteddfod | ||
---|---|---|
| ||
Indarraldi | 1176 - | |
Herrialdea | Erresuma Batua | |
Eisteddfod (pluralean, eisteddfodau) galeserazko kultur jaialdia da, literatura eta musikaren ingurukoa eta lehiaketaren modukoa, poesia arlo nagusia izanda. Lehenengo aztarnak XII. mendekoak dira. Gaur egun, Galesen urtero antolatzen dute jaialdi nazional moduan, eta herrialdetik kanpo ere tokian tokiko ekitaldiak egiten dituzte.
Historia
![](http://upload.wikimedia.org/wikipedia/commons/thumb/0/07/Grand_National_Eisteddfod%2C_Caernarvon_1877.jpg/220px-Grand_National_Eisteddfod%2C_Caernarvon_1877.jpg)
1176an, Cardigan/Aberteifi hirian jaialdi horren lehendabiziko ekitaldi dokumentatua egin zuten.
Jaialdi nazionala
Jaialdi nazionala, hau da, Galesko Eisteddfod Nazionala (ingelesez "National Eisteddfod of Wales", galesez "Eisteddfod Genedlaethol Cymru" eta euskaraz Galesko Eisteddfod Nazionala) Galesen urtero antolatzen dute, abuztuko lehenengo astean, horretako herrialdeko iparraldeko eta hegoaldeko hiriak tartekatuz.
Europako poesia eta musika jaialdirik handiena da. Adibidez, 2006ko ekitaldian 6.000 pertsona inguru lehiatu ziren, 150.000 ikus-entzuleren aurrean, Denbigh/Dinbych hirian.
Nazioarteko jaialdia
Nazioarteko jaialdia ("International Eisteddfod" edo "Eisteddfod Ryngwladol") Llangollen hirian (Denbighshire/Sir Ddinbych) urtero antolatzen dute 1947tik, beti ere uztailean.
Beste batzuk
Argentinako Patagonian jaialdia antolatzen dute hiri batean baino gehiagotan Chubuteko probintzian: Gaiman-en irailero gazte-ekitaldia, Chubuteko Eisteddfod nagusia Trelew-n urrian eta beste urteroko jaialdi bat Trevelin-en.
Australian eta Idahon (AEB) ere ekitaldiak egiten dituzte.
Ikus, gainera
Kanpo estekak
- (Galeseraz)(Ingelesez) Eisteddfod Jaialdi Nazionalaren webgunea
Datuak: Q670265
Multimedia: Eisteddfodau / Q670265