Ekilore olio
Ekilore olio | |
---|---|
olio eta hazi olio | |
![]() | |
Historia | |
Honen produktua | Ekilore |
Ekilore olioa edo ekilore-olioa ekilorearen (Helianthus annuus) hazietatik ateratzen den olioa da. Giza elikaduran asko erabiltzen da, eta baita kosmetikogintzan, emoliente gisa, eta bioerregaiak egiteko ere.
Produkzio modua
Ekilore olioaren produkzioak fase hauek ditu [1] :
- Azala kentzea. Haziak garbitzen dira, lohitasunak kenduz. Azalak energia sortzeko eta aziendak bazkatzeko baliatzen dira.
- Ehotzea eta olio ateratzea. Haziak xehatu eta prentsatzen dira. Olioa ateratzeko disolbatzaileak (hexanoa) erabiltzen dira.
- Fintzea. Fase honetan lohitasunak kendu eta olioaren garraztasuna gutxitzen da.
Osagaiak
Ekilore olio arruntaren batez besteko gantz-azido osaketa hau da[2]:
Gantz-azidoak | Ehunekoa | |
---|---|---|
aseak | azido palmitikoa | %7 |
azido estearikoa | %5 | |
monoasegabeak | azido oleikoa | %19 |
poliasegabeak | azido linoleikoa | %68 |
azido alfa linolenikoa | %1 |
Oleiko ugariko ekilore olioak, berriz, honelako osaketa du[3]:
Gantz-azidoak | Ehunekoa | |
---|---|---|
aseak | azido palmitikoa | %3,7 |
azido estearikoa | %4,3 | |
monoasegabeak | azido oleikoa | %82,6 |
poliasegabeak | azido linoleikoa | %3,6 |
azido alfa linolenikoa | %0,2 |
Erabilpena
Giza elikaduran oso erabilia da. E bitaminan oso aberatsa da eta gantz-azido ase gutxi dauka. Bere ezaugarriak ez galtzeko, gordinik erabiltzea gomendatzen da eta, frijitzeko erabiltzekotan, gehiegi ez berotzea. Oleiko ugariko ekilore olioa ere merkaturatzen da. Izenak adierazten duen bezala, olio mota hau odol-hodientzat eta bihotzarentzat onuragarria den azido oleikoan aberatsa da [4] .
Munduko ekoizpena
Ekilore olioa munduan gehien kontsumitzen den laugarren landare olioa da. 2018an munduan 18 milioi tona produzitu ziren[5].
Pos. | Herrialdea | Tonak |
---|---|---|
1 | ![]() | 5.148.606 |
2 | ![]() | 4.642.815 |
3 | ![]() | 1.304.700 |
4 | ![]() | 990.000 |
5 | ![]() | 694.200 |
6 | ![]() | 615.000 |
7 | ![]() | 525.300 |
8 | ![]() | 514.671 |
9 | ![]() | 486.600 |
10 | ![]() | 296.500 |
Erreferentziak
Kanpo estekak
Datuak: Q94787
Multimedia: Sunflower oil / Q94787