Ohar medikoaOharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Erretinosi pigmentarioa erretinako endekapen-gaixotasun hereditarioa da. Ikusmen-galera progresiboa, hemeralopia, ikuseremuaren murrizketa, odol-hodien estutzea, pupila zurbiltzea eta erretinako pigmentu-pilaketak izaten dira sintoma kliniko nagusiak. Eboluzio klinikoari jarraituz, elektrorretinograman ere alterazioak areagotuz doaz pixkanaka.[1] Erretinosi pigmentarioa ez da gaixotasun bakar bat, baizik eta jatorri genetikoa eta izaera endekapenezkoa duten gaixotasun okular kronikoen multzo bat, izen horrekin taldekatzen direnak.