Eusebio Sacristán
Eusebio Sacristán | |||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() (2017) ![]() | |||||||||||||||||||||||||||||||||||||||||||||||||||||||
Bizitza | |||||||||||||||||||||||||||||||||||||||||||||||||||||||
Jaiotza | La Seca, 1964ko apirilaren 13a (60 urte) | ||||||||||||||||||||||||||||||||||||||||||||||||||||||
Herrialdea | ![]() | ||||||||||||||||||||||||||||||||||||||||||||||||||||||
Hezkuntza | |||||||||||||||||||||||||||||||||||||||||||||||||||||||
Hizkuntzak | gaztelania | ||||||||||||||||||||||||||||||||||||||||||||||||||||||
Jarduerak | |||||||||||||||||||||||||||||||||||||||||||||||||||||||
Jarduerak | futbolaria eta futbol entrenatzailea | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
Parte-hartzailea
| |||||||||||||||||||||||||||||||||||||||||||||||||||||||
Posizio edo espezialitatea | erdilaria | ||||||||||||||||||||||||||||||||||||||||||||||||||||||
Pisua | 71 kilogramo | ||||||||||||||||||||||||||||||||||||||||||||||||||||||
Altuera | 170 zentimetro | ||||||||||||||||||||||||||||||||||||||||||||||||||||||
Izengoitia(k) | Eusebio | ||||||||||||||||||||||||||||||||||||||||||||||||||||||
![]() ![]() ![]() |
Eusebio Sacristán Mena (La Seca, Valladolid, 1964ko apirilaren 13a) Real Sociedad futbol taldeko entrenatzaile ohia da. Futbolari profesional ohia, arrakastarik handienak Bartzelona Futbol Klubarekin lortu zituen,[1] 1990eko hamarkadan.
Ibilbidea
Jokalaria
Real Valladolid
Gazte iritsi zen Real Valladolidera eta azkar zabaldu zen bere teknika zoragarriaren berri, non bere fisiko arrunta konpentsatzen zuen. Lehen Mailan 1983-84an estreinatu zen, nahiz eta urtebete lehenago Kopan pare bat partidu jokatu zituen. Lehen Mailako denboraldi horretan Valladolidek lortu zuen kopa bakarra lortu zuen: Ligako Kopa. Azkar asko aldaezin bihurtu zen taldean eta zaletuen miresmena lortu zuen.
Dream Team
1987an Atletico Madrilekin aritu zen urtebetez eta bertatik arrakasta gehien lortu zuen taldera pasatu zen: FC Bartzelonara. Talde kataluniarrarekin 4 Liga, 1 Kopa, 3 Superkopa, 1 Errekopa, 1 Europako Superkopa eta hainbeste urtetan zaletuek lortu nahi zuten titulua: 1992ko Europako Kopa. Talde hark historia egin zuen 90. hamarkadan eta entrenatzaile lanak Johan Cruyffek egiten zituen.
Etxera bueltan
1995-96 denboraldian Eusebio etxera itzuli zen, hots, Real Valladolidera. Bi urtez aritu zen bertan eta amaitzean botak zintzilikatu zituen eta Ligako partidan gehien jokatu duen hirugarren postua lortu zuen 543 partidarekin, Zubizarreta eta Raulen atzetik.
Entrenatzailea
Rijkaarden bigarrena
Bere futbolari ibilbideari bukaera eman ostean entrenatzaile agiria atera zuen eta 2003tik 2008ra FC Bartzelonako aulkitxoan egon zen Frank Rijkaarden bigarren moduan.
Celta de Vigon
2009ko martxoaren 2an, Celta de Vigoren entrenatzaile bihurtzen da Pepe Murcia ordezkatuz. Hau da bere lehen esperientzia entrenatzaile nagusi moduan eta Bigarren Mailan aritu zen lanak egiten.
Hurrengo denboraldian Hugo Mallo, Joselu, Yoel, Túñez eta Iago Aspas igotzen ditu harrobitik. Taldea Bigarren Mailan mantentzea lortzen du baina taldeko zuzendaritzak ez du berritzen bere kontratua taldearekin.
FC Bartzelona B
2011ko ekainaren 17an FC Bartzelona B taldeko entrenatzaile bihurtzen da Eusebio[2]. 8. postuan lagatzen du taldea eta beste urtebetez berritzen du bere kontratua.
2012-13an taldeak gora behera asko jasaten ditu baina 9. postuan uzten du taldea gaztela eta leondarrak eta beste urtebetez jarraitzen du.
2013-14an FC Bartzelonaren sailkapenik onena errepikatzen du 3. postua lortuz.
Bere azken denboraldia 2014-15 izan zen emaitza txarrak eduki ostean eta 2015eko otsailaren 9an kendu zuten kargutik Eusebio. Mini Estadiko aulkitxoa uztean bere taldea 16. postuan zegoen sailkatua.
Real Sociedad
2015eko azaroaren 9an Real Sociedadeko entrenatzaile[3] bihurtzen da David Moyes eskoziarra kargutik bota eta gero bere emaitza txarrak zirela eta (9 puntu 11 jardunalditan).
2015eko azaroaren 10ean emandako prentsa aurrekoan Eusebiok bere Realarekiko "harremanaz" egin zuen hitz. Real Valladolideko jubeniletan zegoela hasi zen bere Realarekiko "harremana"[4], non Realak bi txapelketak irabazi zituen. Bere hitzetan talde txuriurdinaren hamaikakoa buruz zekien. Geroxeago, profesional mailan, askotan jokatu zuen donostiarren aurka. Lehen Mailan Valladolidekin ari zela txuriurdinak berriz gurutzatu ziren Eusebioren bidean: bere azken partida Puzelako taldearekin Atletico de Madrilekin fitxatu aurretik Atotxan izan zela dio Sacristanek[5]. Gainera azken profesional partida jokalari moduan Valladoliden izan zen eta Realaren aurka izan zen, hain zuzen ere. Eta azkeneko pasadizoa entrenatzaile zenekoa da: Realak Lehen Mailarako txartela lortu zuenean Eusebioren Celtaren aurka izan zen, Anoeta ere testigu izanik[6].
Erreferentziak
Datuak: Q366816
Multimedia: Eusebio Sacristán / Q366816