Gostyń
Gostyń | |||||||||||
---|---|---|---|---|---|---|---|---|---|---|---|
hiria | |||||||||||
![]() ![]() | |||||||||||
| |||||||||||
Administrazioa | |||||||||||
Estatu burujabe | ![]() | ||||||||||
Voivoderria | ![]() | ||||||||||
Powiat | Gostyń barrutia | ||||||||||
Urban-rural municipality | Gostyń udalerria | ||||||||||
Posta kodea | 63-800 | ||||||||||
Geografia | |||||||||||
Koordenatuak | 51°52′45″N 17°00′45″E / 51.8792°N 17.0125°E / 51.8792; 17.0125 | ||||||||||
![]() | |||||||||||
Azalera | 10,79 km² | ||||||||||
Altuera | 90 m | ||||||||||
Demografia | |||||||||||
Biztanleria | 20.210 (2021eko martxoaren 31)![]() | ||||||||||
| |||||||||||
Dentsitatea | 1.873 bizt/km² | ||||||||||
Informazio gehigarria | |||||||||||
Sorrera | 1275 (egutegi gregorianoa) | ||||||||||
Ordu eremua | UTC+01:00 eta UTC+02:00 | ||||||||||
gostyn.pl |
Gostyń (alemanez: Gostyn, 1941-45: Gostingen ) Poloniako mendebaldeko hiria da, Polonia Handiko Voivodatuan kokatua. Gostyń konderriaren eta Gostyń udalerriaren herriburu eta egoitza da. 2004ko ekainaren 30eko datuen arabera, 20.746 biztanle zituen.
Gostyń-eko mugarri nagusia Święta Góra-ko basilika da (Mendi Santua), Poznango artzapezpikutzako gurtza marianoko santutegi nagusia, Pompeo Ferrariren maisulana.
Historia
Gostyń XIII. mendean sortutako herria da. Mikołaj Przedpełkowic bertako nobleak fundatu zuela esan ohi da, etaPrzemysł II.ak herri eskubideak eman zizkion 1278an. Gostyń inguruko herrixkaren izena hartu zuen, eta hura Stary Gostyń ("Gostyń zaharra") bilakatu zen orduan[1].
XVI. mendean Gostyń eskualdeko Erreforma protestanteko zentro garrantzitsua izan zen eta 1565ean Polonia Handiko hainbat protestanteren sinodo bat ospatu zen bertan[2].
1793an Gostyń Prusiak anexionatu zuen Poloniako Bigarren Partizioan . 1807an poloniarrek berreskuratu zuten Varsoviako dukerriaren iraupen laburrean, baina 1815ean Prusiak berriro irentsi zuen. Gostyń poloniarren erresistentziaren gune bat izan zen germanizazio politiken aurrean. 1835ean Kasyno Gostyńskie sortu zen, Poloniako tokiko erakunde esanguratsua, izaerra sozialez mozorrotuta, ekonomia, hezkuntza eta liburutegi jarduera abertzaleak burutu zituena. Prusiarrek 1846an abolitu zuten erakundea eta liburutegiaren bilduma Poznanera eraman zuten[3]. Gostyń Polonia Handiko 1948ko altxamendua prestattu zeneko guneetako bat izan zen.
Bigarren Mundu Gerran
Bigarren Mundu Gerran Poloniako inbasioan, Gostyń Wehrmacht-ak harrapatu zuen 1939ko irailaren 6an. 30 herritarrentzako exekuzio zerrendak prestatu zituzten alemanek berehala, haien artean Hipolit Niestrawski alkatea. Kanporatze masibo bat ere egin zuten 1939ko abenduaren 4an hasita, Gostyngo 2.000 poloniar Gobernu Orokorrera deportatuak izan ziren Ernst Damzog SS-Standartenführerrak aginduta .
Herriko erresistentzia-kideen kontrako operazioak ere izan ziren. 12 exekutatu zituzten Dresden-en, 1942ko epaiketa fartsa baten ondoren, eta dozenaka sartu zituzten kontzentrazio eremuetan, non 37 hil ziren[4].
Alemaniaren okupazioa 1945ean amaitu zen.
Erreferentziak
- ↑ (Polonieraz) Fabryka, Studio. «Historia» www.gostyn.pl (Noiz kontsultatua: 2021-02-20).
- ↑ (Polonieraz) «Gostyń - Encyklopedia PWN - źródło wiarygodnej i rzetelnej wiedzy» encyklopedia.pwn.pl (Noiz kontsultatua: 2021-02-20).
- ↑ Txantiloi:Pl-PL «Kasyno gostyńskie • Odkryj Wielkopolskę • sprawdź ciekawe miejsca w Twojej okolicy» regionwielkopolska.pl 2016-10-20 (Noiz kontsultatua: 2021-02-20).
- ↑ (Polonieraz) S.A, Wirtualna Polska Media. (2015-08-20). «Czarny Legion - polska organizacja podziemna rozbita przez Niemców» opinie.wp.pl (Noiz kontsultatua: 2021-02-20).
Kanpo estekak
Datuak: Q422286
Multimedia: Gostyń / Q422286