Gustav Meyrink
Gustav Meyrink | |
---|---|
![]() ![]() | |
Bizitza | |
Jaiotzako izen-deiturak | Gustav Meyer |
Jaiotza | Viena, 1868ko urtarrilaren 19a |
Herrialdea | ![]() |
Lehen hizkuntza | alemana |
Heriotza | Starnberg, 1932ko abenduaren 4a (64 urte) |
Hobiratze lekua | Hanfelderstrasse Cemetery (en) ![]() Starnberg |
Hezkuntza | |
Hizkuntzak | alemana ingelesa |
Jarduerak | |
Jarduerak | idazlea, itzultzailea, eleberrigilea, zientzia-fikzio idazlea eta antzerkigilea |
Lantokia(k) | Munich Praga Starnberg eta Austria-Hungariako Inperioa |
Lan nabarmenak | ikusi
|
Sinesmenak eta ideologia | |
Erlijioa | budismoa Protestantismoa |
![]() ![]() ![]() ![]() ![]() ![]() ![]() |
Gustav Meyer (Viena, 1868ko urtarrilaren 19a - Starnberg, Bavaria, 1932ko abenduaren 4a), Gustav Meyrink ezizenez ezagunagoa, austriar idazlea izan zen.
Karl von Varnbüler und zu Hemmingen baroiaren eta Maria Wilhelmina Adelheyd Meier aktorearen seme ilegitimoa izan zen. Munichen bizi izan zen hamahiru urte bete arte, eta Hanburgon denbora labur bat igaro ondoren, Pragan kokatu zen amarekin, 1882an.
Hogei urte bizi izan zituen Pragan, eta hiria askotan islatu zuen bere obran. 1889an "Meier & Morgenstern" bankua ezarri zuen Christian Morgenstern olerkarien ilobarekin.
Pragan, bere bizitza aldatu zuen gertaera bat gertatu zen. Bere buruaz beste egiten saiatu zenean, zarata bat entzun zuen, eta bere gelako atean hilondoko bizitzari buruzko liburu bat aurkitu zuen. Okultismoa, teosofia, kabala, kristau-sofiologia eta ekialdeko mistizismoa ikasten hasi zen.
1902an banku-iruzurra leporatu zioten, eta bi hilabetez egon zen espetxean. Ez zen banku-lanbidera itzuli.
1900eko hamarkadan Simplicissimus aldizkarian ipuin satirikoak argitaratzen hasi zen eta 1903an lehen liburua kaleratu zuen. Garai hartan Vienara joan zen bizitzera. 1905ean Philomene Berntekin ezkondu zen eta seme bat eta alaba bat izan zituzten. Diru premian, itzultzaile lanetan hasi zen. Charles Dickensen hamabost liburu eta Rudyard Kipling eta Lafcadio Hearnen lanak itzuli zituen, baita okultismoari buruzko liburuak ere.
1915ean Der Golem bere lanik ospetsuena argitaratu zuen. Pragako elezahar judu batean oinarritzen da, buztinezko golem bat egin eta kabalaren sorginkeriaz animatzen duen errabino baten gainean.
Lehen Mundu Gerraren aurka agertu zen eta alemaniar nazionalistek salatu zuten. 1920ko hamarkadan bere diru-sarrerak hobetu zituen eta etxe bat erosi zuen Starnbergen. Han bizi izan zen zortzi urtez familiarekin. 1927an Mahāyāna budismora bihurtu zen.
Lanak
- Der heiße Soldat (1903)
- Orchideen (1904)
- Wachsfigurenkabinett (1907)
- Der Sanitätsrat (1912)
- Des deutschen Spießers Wunderhorn (1913)
- Der Golem (1915)
- Fledermaese (1916)
- Das grüne Gesicht (1917)
- Walpurgisnacht (1917)
- Der Mann auf der Flasche (1920)
- Der weiße Dominikaner (1921)
- Meister Leonhard (1925)
- Der Engel vom Westlichen Fenster (1927)
Kanpo estekak
Datuak: Q78511
Multimedia: Gustav Meyrink / Q78511