Hanibal Giskon
Hanibal Giskon | |
---|---|
Bizitza | |
Jaiotza | Kartago, K.a. 300 |
Herrialdea | Antzinako Kartago |
Heriotza | K.a. 260 (39/40 urte) |
Heriotza modua | heriotza zigorra |
Familia | |
Seme-alabak | ikusi
|
Jarduerak | |
Jarduerak | buruzagi militarra |
Zerbitzu militarra | |
Gradua | amiral |
Parte hartutako gatazkak | Lehen Gerra Punikoa Battle of Mylae (en) ![]() |
- Ez nahasi Hanibal Barka, Bigarren Gerra Punikoko kartagotar buruzagiarekin..
Hanibal Giskon (hizkuntza punikoz: 𐤇𐤍𐤁𐤏𐤋, ḤNBʿL[1]; (K.a. 295-258), Erromaren aurkako Lehen Gerra Punikoan, lurreko armadetako eta itsas flotetako arduradun kartagotarraren komandante militarra izan zen. Bere ahaleginak, azkenean, ez zuen arrakastarik izan eta borrokan izandako porrotaren ondoren, exekutatu egin zuten.
Bizitza eta karrera
Ezezagunak dira Hanibal Giskonen hasierako bizitzaren eta ibilbidearen xehetasunak.
Agrigentum
Hanibal Giskon iturrietako lehen agerraldia K.a. 262an izan zen, erromatarrek Agrigentumen setiatutako garnizioko jeneral nagusia zen aldetik. Giskonek eta bere gizonek hilabetez erakutsi zuten irmotasuna eta Hannonen errefortzuak iritsi ziren arren, hiria azkenean erromatarren esku geratu zen. Giskonek Kartagora ihes egitea lortu zuen guduaren azken etapetan.
Messinako itsasartea
Dirudienez, Agrigentumen izandako porrotak ez zion Giskoni lidergoarekin jarraitzea eragotz, hurrengo urtean, K.a. 260an, Giskonek Messinako itsasartean kartagotar flotaren arduradun almirante gisa itzuli zelako. Erromatarrak lehen itsas armada abian jartzeko zorian zeuden eta Kartagok berrikuntza hori zapuztu behar zela zehaztu zuen. Giskonek Kneo Kornelio Eszipion Asina, Erromako kontsula, garaitu eta harrapatu zuen Lipariko topaketan, eta horrek Szipioni Asina (astoa) ezizena eman zion. Hala ere, garaipen horren ostean, flota erromatar gehienak inguruko uretan maniobrak egiten jarraitu zuen.
Milas
Geroago, K.a. 260. urtean, Giskon lehen jeneral punikoa izan zen erromatar corvus abordatze sistemaren efektu hilgarriak pairatu zuena. Kartagok itsasoan zuen nagusitasunean ziur, Giskonek bere itsasontziak Milasko batailarako zabaldu zituen ilara luzeko antolamendu tradizionalean. Itsas borrokan esperientziarik ez zuten arren, erromatarrek, Gaio Duilio kontsulak zuzenduta, kartagotar flota garaitu zuten, batez ere itsas gerran lurreko taktiken erabilera berritzailea zela eta.
Kartagotik Hanibal berriro deitu zuten. K.a. 258an, Sardiniara bidalia izan zen irla hau erromatarren aurka defendatzeko. Hala ere, Gaio Sulpizio Paterculo komandante erromatarrarek Hanibal garaitu zuen.
Bere kideen konfiantza galduta, Hanibal Giskon ezgaitasunagatik exekutatu zuten, garaitutako beste puniko jeneral batzuekin batera. Zenbait aipamenen arabera, bere soldaduak izan ziren gurutziltzatu zutenak.
Erreferentziak
- ↑ HUSS (1985): 565. or.
Bibliografia
- HUSS, Werner (1985): Geschichte der Karthager, Munich: C.H. Beck, ISBN 9783406306549. (alemanez)
Ikus, gainera
- Beste Hanibal batzuk
Kanpo estekak
- William Smith (lexicographer)
- Greziako eta Erromako Biografia eta Mitologiako Hiztegia
- Livius.org: Hannibal
Datuak: Q361194