Johnny Got His Gun (filma)
Johnny Got His Gun (filma) | |
---|---|
Jatorria | |
Argitaratze-data | 1971 |
Izenburua | Johnny Got His Gun |
Jatorrizko hizkuntza | ingelesa |
Jatorrizko herrialdea | Ameriketako Estatu Batuak |
Banatze bidea | eskatu ahalako bideo |
Ezaugarriak | |
Genero artistikoa | gerra-filma, film dramatikoa, lan literario batean oinarritutako filma eta Film biografikoa |
Iraupena | 111 minutu |
Kolorea | koloretakoa eta zuri-beltzekoa |
Deskribapena | |
Oinarritua | Johnny Got His Gun (en) ![]() |
Zuzendaritza eta gidoia | |
Zuzendaria(k) | Dalton Trumbo |
Gidoigilea(k) | Dalton Trumbo Luis Buñuel |
Antzezlea(k) | |
Timothy Bottoms Jason Robards Donald Sutherland Diane Varsi Marsha Hunt Eric Christmas Charles McGraw David Soul Don "Red" Barry Eduard Franz Peter Brocco | |
Ekoizpena | |
Ekoizlea | Bruce Campbell |
Bestelako lanak | |
Musikagilea | Jerry Fielding (en) ![]() |
Historia | |
Jasotako sariak | Cannes Film Festival Grand Prix (en) ![]() |
![]() ![]() ![]() ![]() ![]() ![]() ![]() ![]() ![]() ![]() |
Johnny Got His Gun (euskaraz Johnnyk bere fusila hartu zuen) 1971ko Dalton Trumbo estatubatuar zinema zuzendariaren gerra filma bat da. Bertan, Timothy Bottoms, Jason Robards, Donald Sutherland, Diane Varsi eta Kathy Fields aktoreek antzeztu zuten.
Filmak gerraren aurkako joera bakezalea argi du, gerraren laztasuna protagonistaren egoeraren bidez modu oso garratzean erakusten du.
Sinopsia
Oharra: Atal honek istorio osoa edo amaiera argitzen du.
Lehen Mundu Gerran estatubatuar gudari bat leherketa baten ondorioz larriki zaurituta dago. Istripu horretan, Johnnyk hankak, besoak, ikusmena, entzumena, usaimena eta dastamena galdu ditu. Modu latzean esanda, haragi puska bat eginda geratu da: kontzientzia izan arren, errealitatetik eta bere ingurutik erabat isolatuta dago. Halere, bere bizitzako une garrantzitsuenak gogoratzen (jaiotetxea, gurasoak eta neska-laguna...) eta ametsak eta amesgaiztoak ditu, baina ez ditzake errealitatea eta fantasia bereiz.
Hainbat urtez egoera latz horretan egonda, azkenik Morse kodearen bidez mediku eta jeneralekin harremanetan jartzea lortu du, burua aurrera-atzera mugituz. Hil dezaten eskatu die, baina ingurukoak ez diote jaramonik egiten. Haren gorputz ezdeusa biltegi batean zokoratuta, medikuntzaren aurrerapenerako ikerketetan erabiltzeko mantenduko dute bizirik.
Aktoreak
- Timothy Bottoms: Joe Bonham
- Kathy Fields: Kareen, Joeren neska-laguna
- Marsha Hunt: Joeren ama
- Jason Robards: Joeren aita
- Donald Sutherland: Jesukristo
- Diane Varsi: erizaina
- Charles McGraw: Mike Burkeman
- Sandy Brown Wyeth: Lucky
- Don 'Red' Barry: Jody Simmons (Donald Barry gisa)
Bitxikeriak
Filmaren izenburua George M. Cohan estatubatuar nazionalistaren Over there abestiko hitzetan oinarritua dago: kanta hartan, filmean ez bezala, gerraren apologia handia egiten da, "Johnny, get your gun" (Johnny, haz ezak heure fusila), estatubatuar gazteri abertzaleak bere herrialdea defendatzeko duen eskubidearen alde. Aldiz, Trumboren eleberri nahiz filmean oso bestelako erantzuna ematen zaio: Johnnyk bere fusila hartu zuen, gerrara joan eta bizi guztirako elbarri itzuli zen.
Bestalde, Metallica estatubatuar musika taldeak, filmean oinarrituta, One abestia ondu zuen, baita haren bideoklipean filmeko irudiak sartu ere.
Ikus, gainera
Kanpo estekak
- Johnny Got His Gun filmaren IMDBko fitxa irakurgai (Ingelesez)
Datuak: Q84220