Karabansarai
![](http://upload.wikimedia.org/wikipedia/commons/thumb/9/98/Caravanserai_of_Qalat_el-Mudiq_01.jpg/260px-Caravanserai_of_Qalat_el-Mudiq_01.jpg)
Karabansaraia (persieraz: كاروانسرا kārvānsarā edo کاروانسرای kārvānsarāi; turkieraz: kervansaray), Indiako azpikontinentean saraia, barruti hesitua da, Ekialde Hurbilean karabanak babestu eta atseden hartzeko erabiltzen dena. Hirietatik kanpo eraikiak dira karabansarai gehienak. Lauki-egitura izan ohi dute, horma garaiz inguratuak. Barnealdean, beheko solairua kargak eta abereak pausatzeko izaten da, eta goiko solairuak bidaiarientzat. Karabansarai batean 300-400 gamelu edo mando sar daitezke. Barrenean iturria izaten dute, zamariei edanarazteko eta bidaztien premietarako.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
Datuak: Q186347
Multimedia: Caravanserais / Q186347