KeePass
![]() | |
---|---|
![]() | |
Jatorria | |
Sortzailea(k) | Dominik Reichl (en) ![]() |
Sorrera-urtea | 2003 |
Argitaratze-data | 2003 |
Azken bertsioa | 1.42 |
Ezaugarriak | |
Hizkuntza | frantsesa, ingelesa, txinera tradizionala, Txinera sinplifikatua eta nederlandera |
Euskarria | .NET Framework eta Mono (en) ![]() |
Programazio-lengoaia | C++ eta C Sharp |
Sistema eragilea | KDB (en) ![]() ![]() |
Irakur dezake | Microsoft Windows, Linux, MacOS X, Android (mul) ![]() ![]() |
Egile-eskubideak | copyrightduna |
Lizentzia | GNU General Public License, version 2.0 or later (en) ![]() |
keepass.info | |
![]() ![]() | |
Iturri-kodea | https://sourceforge.net/projects/keepass/files/ |
KeePass Password Safe, KeePass bezala ezagunago, pasahitzak modu seguruan sortzeko, gordetzeko edo sailkatzeko datu-base sinple bat da. Kode irekiko softwarearekin eraikita dago, hasiera batean Windows sistema eragilerako sortu zuten baina gero beste sistema eragile batzuetarako, esaterako Linux, Android eta iOS bertsioak ere zabaldu ziren. Mono erabiliz, laguntza ofiziala ematen zaie MacOS eta Linux sistema eragileei.[1] Gainera, ofizialak ez diren hainbat bertsio ere badaude Windows Phone, iOS eta BlackBerry gailuentzat. KeePass softwarearekin datu-base arin bat sortzen da, bost eremurekin: aplikazioaren izena, erabiltzaile izena, pasahitza, URL helbidea eta oharrak. Horiekin batera, aplikazioren izena azkarrago identifikatzeko, faviconak gehitu daitezke (gehigarri baten bidez modu automatikoan deskarga daitezke faviconak), eta, nahi izanez gero.[2]
KeePass sistemarekin sortzen den pasahitzen datu-basea modu zifratuan gordeko da eta berriro ere datu-basean sartzeko pasahitz orokor bat edo pasahitz orokorra + fitxategi gakoa eskatuko da.[3][4][5][6][7][8] Zifratutako fitxategi batean erabiltzaile-izenak, pasahitzak, url helbideak eta beste eremu batzuk gordeko dira, ohar libreekin batera eta fitxategi erantsiak barne. Fitxategi hau pasahitz orokor baten atzean zifratuta geratuko da eta nahi izanez gero fitxategi giltzarri baten atzean ere bai. Lehenetsita datorren aukeran, KeePass datu-basea fitxategi-sistema lokal batean gordeko da, ordenagailuko disko gogorrean edo pendrive batean, baina, nahi izanez gero, hodeian dagoen zerbitzu batean ere gorde daiteke eta, gehigarri batzuei esker[9], hodeian dagoen fitxategia erraz sinkronizatu daiteke edozein aldaketa eginez gero.
Euskaraz
KeePass euskaraz erabil daiteke. KeePass-eko hizkuntza paketearen Lokalizazioak euskaratuta egoten dira % 100[10] sofware librearen euskal komunitateko boluntarioei esker. Hizkuntza paketea deskargatu, deskonprimatu eta Languages izeneko karpetara kopiatu behar da Basque.lngx izeneko fitxategia. Gero, aplikazioaren menuan, View sakatu, eta menuko lehen lerroan hizkuntza aukeratu; hautatu euskara.
Erreferentziak
- ↑ «KeePass Setup» KeePass.info.
- ↑ Bilatu Favicon Downloader edo Yet Another Favicon Downloader hementxe: (Ingelesez) «Plugins - KeePass» keepass.info (Noiz kontsultatua: 2023-06-02).
- ↑ 1 - ¿Qué es KeePass? ¿Para qué sirve? Gestión, encriptación, cifrado de contraseñas⭐Windows 10⭐. (Noiz kontsultatua: 2023-06-02).
- ↑ «Download page» KeePass.info.
- ↑ «7Pass» 7Pass.
- ↑ «KeePassDroid» www.keepassdroid.com.
- ↑ «BlackBerry World - KeePass for BlackBerry» appworld.blackberry.com.
- ↑ «iOS application» iTunes.
- ↑ (Ingelesez) Reichl, Dominik. «Plugins - KeePass» keepass.info (Noiz kontsultatua: 2023-06-02).
- ↑ (Ingelesez) Reichl, Dominik. «Translations - KeePass» keepass.info (Noiz kontsultatua: 2023-06-02).
Ikus, gainera
- Pasahitz.
- Pasahitz krakeatze.
- KeePassXC.
- KeePassDroid.
Kanpo estekak
- KeePass webgune ofizialeko ataria.
- KeePass webgune ofiziala: deskargak egiteko gunea. Azken bertsioak, bertsio eramangarriak...
- Hizkuntza paketeak deskargatzeko gunea.
- KeePassXC KeePassXC erabiltzaile-izenen, pasahitzen eta URL helbideen aplikazio kudeatzailea da, zifratutako datu-basea. KeePass honen aldaera bat.
Datuak: Q762660
Multimedia: KeePass / Q762660