Korsakoven psikosia edo Korsakoven sindromea buruko eritasuna da, Sergei Korsakov errusiar neuropsikiatrak aztertu zuena. Garunean du eragina, eta ezaugarri nagusia amnesia larria da (oroimen-gabezia), baina ez dakar galera intelektualik. Gaixoak nekez ikas dezake informazio berria, eta ez da gauza gertatu berri diren jazoerak gogoratzeko. Zenbaitetan, iragan urruneko gertaerak ere ahaztu egiten zaizkio, eta hutsuneak betetzeko informazioa asmatzeko joera izan ohi du. Arrazoi nagusia alkoholismoa da, batez ere tiamina (B1 bitamina) falta denean, eta garun-gaixotasunak edo zauri larri batek ere eragin dezake. Askotan, gaixotasun iragankorra izaten da, baina kroniko bihur daiteke.
Erreferentziak
Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Artikulu hau medikuntzari buruzko zirriborroa da. Wikipedia lagun dezakezu edukia osatuz.