Lerrokatze (tipografia)
![](http://upload.wikimedia.org/wikipedia/commons/thumb/0/03/Hz_Programm.png/220px-Hz_Programm.png)
![](http://upload.wikimedia.org/wikipedia/commons/thumb/1/14/Lorem_ipsum_centered.svg/220px-Lorem_ipsum_centered.svg.png)
Maketazioan justifikazioa edo lerrokatzea deitzen zaio testuko lerroen kokapenari.
Testuak maketatzerakoan, testuak zutabe bakar batean, bi zutabeetan edo zutabe gehiagotan antola daitezke orrialdeetan.
- Lerroak, ezkerreko aldetik, orrialdeko ertzaren distantzia berera daudenean, testu hori ezkerraldera lerrokatuta dagoela esaten da.
- Lerroak, eskuineko aldetik, orrialdeko ertzaren distantzia berera daudenean, testu hori eskuinaldera lerrokatuta dagoela esaten da.
- Lerroak zentratu egin daitezke, erdiko ardatz baten inguruan simetria gordez, testu hori erdira lerrokatuta dagoela esaten da..
- Zutabe batean lerro guztiak neurri berekoak direnean, testua (bi aldeetatik) lerrokatze osoa dagoela esaten da. Edo ezker-eskuinalderako lerrokatze dagoela.
IVAP estilo-liburuko gomendioa
Lau modu daude lerrokatzeko:
- ezkerraldera,
- eskuinaldera,
- erdira eta
- ezker-eskuinaldera (osoa).
Oro har, IVAPek hiru hauek erabiliko[1] ditu:
- Ezker-eskuinaldera(osoa): testu guztietan.
- Eskuinaldera: adibidez, helbideak ofizioetan.
- Erdira: nahi izanez gero, izenburuetan.
Wikipedia
![](http://upload.wikimedia.org/wikipedia/commons/thumb/6/63/Ezkerretara_lerrokatutako_paragrafoa.png/220px-Ezkerretara_lerrokatutako_paragrafoa.png)
Wikipediak, artikulu hau idatzi den garaian, lehenetsita ematen du ezkerraldera lerrokatzeko aukera, baina euskarazko Wikipediaren Estilo Gidan[2] ez da gaia aipatzen, MediaWikiko ezarpenetan ezarrita dagoelako ezkerralderako lerrokatze hori, eta lerrokatze hori modu automatikoan egiten delako.
Erreferentziak
Kanpo estekak
Datuak: Q184894