Manos Limpias
Manos Limpias | |
---|---|
Datuak | |
Mota | sindikatua eta irabazteko asmorik gabeko erakundea |
Herrialdea | Espainia |
Kokapen politikoa | Eskuin-mutur |
Agintea | |
Legezko forma | Espainiako elkarte |
Historia | |
Sorrera | 1995 |
webgune ofiziala |
Manos Limpias (Esku Garbiak) Espainiako funtzionario publikoen eskuin muturreko erakundea da. 1995an sortua, sindikatu gisa aurkezten da nahiz eta bere lan nagusia ezkerreko pertsonen eta ekintzen epaitegietako salaketa sistematikoa izan. Aktibitate sindikalarik ez zaio ezagutzen.
Sortzaile nagusia Miguel Bernad Remón abokatua izan zen. Aurretik Bernard Fronte Nazionaleko idazkari nagusia izan zen, eta bi aldiz aurkeztu zen Europako Batzordeko hauteskundeetara, 1987an eta 1989an. Euskal Herrian ezker abertzalearen aurka oso aktibitate handia izan zuen, bereziki bake prozesua moztu nahian.[1] Kasu gehienetan politikoei egotzitako delituak frogatzeko oinarri eta froga ahulekin izan dira.[2] [1] Lawfare estrategiekin lotura hestua izan du sasi-sindikatuak.
Espainiako Polizia Nazionalaren Delinkuentzia Ekonomiko eta Fiskalaren Unitateak (UDEF), 2014ko azarotik, Ausbanc eta Manos Limpias ikertu zituen mafiako aktibitateengatik. Erakunde horiek enpresa eta erakunde ororen aurkako kereila jartzen omen zituen, gero, haiek kentzearen truke, diru-kopuru handiak eskatzeko.[3]
Erakundearen datuak
Nahiz eta fidegarriak ez izan, Manos Limpiasek dio 5.800 afiliatu dituela. Erakundeak bere buruari “sindikatu” esaten bazaio, baina baita berak ere zalantzan jartzen du bere izaera, "Funtzionario Publikoen Kolektibo" hitza erabiliz. Dena dela, funtzionarioak ez diren pertsonak badira ere bai. Abokatu-bulegoen bidez antolatzen da, autonomia-erkidego bakoitzean bat eta Madrilen bost izanik. Beti Bernarden hitzetan, afiliatu bakoitzak 60 euro urteko ordaintzen du.[4]
Espainian eragindako prozesuak
Asko izan dira eta kasu gehienetan ez dira aurrera egin. Hona hemen adibide batzuk:
- 2004ko martxoaren 11ko atentatuak. Manos Limpiasek salaketak aurkeztu zituen Justiziaren eta Botere Judizialaren Kontseilu Nagusiaren aurrean, Juan del Olmo eta Baltasar Garzón epaileen aurka eta Olga Sánchez fiskalaren aurka, inongo arrakastarik gabe. Juan del Olmo epailearen aurka kereila bat aurkeztu ondoren, M-11ko probak ustez suntsitzeagatik, Auzitegi Gorenak ezetsi egin zuen, eta, horrez gain, Manos Limpias salatu zuen, faltsuak ziren akusazio- eta salaketa-delituengatik.[5]
- Nunca Máis plataformaren aurka.
- Homosexualitatea da haren beste jarduera alderdi bat. Sexu bereko pertsonen arteko ezkontzak gaitzen zituen legea salatu zuen Espainiako Arartekoaren aurrean.
- 2024ko apirilean, Bernad-ek Begoña Gómez, Pedro Sánchez gobernuko presidentearen emaztea, salatu zuen, ustelkeria ustezko delituengatik, eta hurrengo egunean adierazi zuen "orain epaileak egiaztatu beharko du ea informazio horiek egiazkoak diren ala ez". Egun horretan bertan, Fiskaltzak salaketa artxibatzeko eskatu zuen.[6]
Euskal Herrian
- 2006ko maiatzean, Arnaldo Otegi, orduan Batasunaren bozeramaile zenaren aurka auzia jarri zuen Estatuko Fiskaltzaren eta Auzitegi Nazionalaren aurrean, Euskadin bakea negoziatzeko batzordearen aurkezpenean izan zuen zereginagatik.[1]
- Bi hilabete geroago, salaketa jarri zuen Auzitegi Gorenean José Luis Rodríguez Zapatero, orduko Gobernuko presidentearen aurka, eta Patxi López Arnaldo Otegirekin eta Rufi Etxeberriarekin izandako bileragatik.[1]
- Eskuin muturreko talde horrek salatu egin zituen Eusko Legebiltzarreko presidente Juan Mari Atutxa, eta Kontxi Bilbao Ganberako Mahaiko kideak (Ezker Batua) eta Gorka Knörr (EA), Batasuna legez kanpo utzi ondoren ezker independentistaren talde parlamentarioa, Sozialista Abertzaleak, desgaitu nahi ez dutelako. 2008ko apirilean hirurak kondenatu zituzten "desobedientzia" delituagatik. Atutxa kasuak ibilbide judizial luzea izan zuen eta azkenean Estrasburgon amaitu zen. 2017. urteko ekainean, Estrasburgoko Giza Eskubideen Europako Auzitegiak (TEDH) Espainia kondenatu zuen hiru parlamentarien desgaikuntzagatik.[1]
- 2009ko ekainean, dramaturgoa eta zerrendaburua salatu zituen Iniciativas Internacion-Solidaridad entre los Pueblos (II-SP) erakundearen Europako hauteskundeetarako, Alfonso Sastre, Gara egunkarian argitaratutako iritzi-artikulu batean ustez egindako mehatxuengatik.[7]
Ezker abertzalearen aurkako salaketa berri bat iragartzen zen bakoitzean, negoziazio-mahai bat antolatzeagatik, manifestazioak deitzeagatik edo beste alderdi batzuetako ordezkariekin biltzeagatik, egunkari, albiste-agentzia eta albistegi gehienek "funtzionarioen kolektibo" edo "sindikatu" gisa aurkezten zuten Manos Neto, Bernad-ek eskuin muturrarekin zituen loturei buruzko aipamenik egin gabe.[1]
Erreferentziak
- ↑ a b c d e f https://www.publico.es/politica/manos-limpias-busco-bloquear-proceso-paz-euskadi-complicidad-jueces-periodistas.html#md=modulo-portada-bloque:2col-t4;mm=mobile-medium Danilo Alvin: Público egunkaria, 2024/04/29.
- ↑ https://www.berria.eus/mundua/manos-limpias-iaioa-da-politikaren-judizializazioan_2124317_102.html
- ↑ https://www.levante-emv.com/espana/2016/04/13/investigan-manos-limpias-ausbanc-extorsion-12423775.html
- ↑ https://web.archive.org/web/20141208230428/http://www.elsiglodeuropa.es/siglo/historico/2013/1006/1006pol_manoslimpias.pdf
- ↑ https://www.20minutos.es/noticia/190652/0/investigacion/manos/limpias/
- ↑ https://www.eldiario.es/politica/fiscalia-pide-archivar-causa-begona-gomez-abierta-denuncia-manos-limpias_1_11318677.html
- ↑ https://www.elmundo.es/elmundo/2009/06/22/espana/1245689553.html
Ikus, gainera
Kanpo estekak
- (Gaztelaniaz):Erakundearen webgune ofiziala.
- (Gaztelaniaz):Capilla, Manuel (2013). «Manos limpias, ariete de los ultras. Quién maneja a sus abogados» (pdf). El siglo de Europa (1006): 15-17. ISSN 2254-9234.
- (Gaztelaniaz):El País egunkariaren bideoa Manos Limpiasi buruz. 2024/04/27.
Datuak: Q3286493
Multimedia: Manos Limpias / Q3286493