Mari Paz Molinero
| Mari Paz Molinero | |
|---|---|
  Irudi gehiago | |
| Bizitza | |
| Jaiotzako izen-deiturak | María Paz Molinero Ríos |
| Jaiotza | Santiago, 1917ko abuztuaren 4a |
| Herrialdea |  Espainia |
| Heriotza | Madril, 2004ko ekainaren 12a (86 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | aktorea |
  | |
María Paz Molinero Ríos (Santiago, Txile, 1917ko abuztuaren 4a - Madril, 2004ko ekainaren 12a)[1] txiletar-espainiar aktorea izan zen.[2]
Ibilbidea
Sei urterekin hasi zen profesionalki, eta Santiago Artigas eta Josefina Díazen konpainian sartu zen, Madrilgo Teatro Españolen Jacinto BenaventerenLecciones de buen amor interpretatzeko.[3] Konpainia horretan egon zen 1931ra arte, eta Carmen Díaz eta Lola Membrivesen konpainietan sartu zen.
Espainiako Gerra Zibilaren ostean Madrilgo Teatros Español, Alcázar eta María Guerrero-n lan egin zuen La losa de los sueños (1941), El hombre que murió en la guerra (1941), Ventolera (1944), La costumbre (1946),[4] Delito en la Isla de las Cabras (1954), La fierecilla domada (1954), Noches de San Juan (1965), Hedda Gabler (1971), La más hermosa niña del mundo (1974) edo Tío Vania (1978) lanetan.[5]
1934an estreinatu zen zineman, Florián Reyk zuzendu eta Imperio Argentina protagonista zuen La hermana San Sulpicio filmarekin. Hogei filmetan baino gehiagotan parte hartu zuen, besteak beste, Florián Reyren La canción de Aixa (1939); Obsesión (1947) eta Las inquietudes de Shanti Andía (1947), biak Arturo Ruiz Castillorenak; Jorge Grauren El secreto inconfesable de un chico bien (1976); Miguel Picazoren Extramuros (1985), eta El disputado voto del señor Cayo (1986), Antonio Giménez Ricorena.
Telebistan, TVEko Crónicas de un pueblo (1971-1972) telesail ezagunean parte hartu zuen.
Sei urtez bizi izan zen Venezuelan, herrialdeko telebistan lanean.[6]
Luis Porredón aktorearekin ezkonduta, harreman sentimentala izan zuen Samuel Ros idazle eta politikariarekin, eta seme bat izan zuen harekin.
Erreferentziak
- ↑ (Gaztelaniaz) «Mari Paz Molinero - 04 de Agosto de 1917 - Edad | Biografía | Películas | Noticias | Filmografía | Premios» Decine21 2024-06-27 (Noiz kontsultatua: 2024-06-29).
- ↑ Alesves. (viernes, 16 de noviembre de 2018). «Enciclopedia del Cine Español: Mari Paz Molinero» Enciclopedia del Cine Español (Noiz kontsultatua: 2024-06-29).
- ↑ Lecciones de buen amor. 5 de abril de 1924.
- ↑ Lara: Estreno de la comedia de Cipriano Rivas Cheriff La costumbre. 28 de junio de 1946.
- ↑ María Guerrero: Noches de San Juan. 20 de abril de 1965.
- ↑ Diccionario Akal de Teatro. 1998.
Kanpo estekak
- Elkarrizketa ABC egunkarian, 1933ko martxoaren 19an
- IMDb-ko fitxa
- Fitxa Findagraven
| Autoritate kontrola |
|
|---|
Datuak: Q16548448
Multimedia: Mari Paz Molinero / Q16548448
