Muskulu esplenio

Muskulu esplenio
Irudian adierazitakoa ez da guztiz zuzena. Izan ere, lepoko muskulu esplenioa T6-T4 arantza apofisietan jaiotzen da.
Xehetasunak
Jatorria	Burukoa: T3-C4 arantza apofisiak. Lepokoa: T6-T4 arantza apofisiak.
Insertzioa	Burukoa: garondoko goiko lerroa eta mastoides apofisia. Lepokoa: C1 eta C2 zehar apofisiak.
Arteria	Aortaren adar muskularrak.
Nerbioa	Nerbio espinalen adar dortsalak (C3-C5).
Muskuluaren akzioa	Biraketa, lateralizazioa, hedapena.
Identifikadoreak
Latinez	m. splenius
TA	A04.3.02.102
FMA	77180
Terminologia anatomikoa

Muksulu esplenioak garondo mailan zein bizkarraren goiko aldean kokatzen diren muskulu autoktono laburrak dira, zabalak eta meheak. Trapezio eta esternokleidomastoideo muskuluen azpian aurkitzen dira eta nerbio espinaletako adar dortsalek inerbatzen dute.

Bi muskulu esplenio bereizten dira: burukoa eta lepokoa. Hauek inguratzen bizkarreko faszia torakolunbarraren sakoneko geruza agertzen da.

• Jatorria: T3-C4 arantza apofisiak.

• Ezarpena: Garondoko goiko lerroa eta mastoide apofisira; norabide laprana hartzen du.

Buruko esplenioak buruaren biraketa, lateralizazioa eta hedapena ahalbidetzen du.

• Jatorria: T6-T4 arantza apofisia.

• Ezarpena: Atlas eta axiseko zehar apofisietako atzeko 11 tuberkuluak.

Lepoko esplenioaren bitartez lepoaren biraketa, lateralizazioa eta hedapena burutzen dira.

Muskulu esplenioek nerbio espinaletako adar dortsalen inerbazioa jasotzen dute, bereziki nerbio okzipital nagusiarena (C3-C5).

• 
  Lepoko muskulu esplenioaren kokapena.
• 
  Lepoko muskulu esplenioaren ikuspegi laterala.
• 
  Lepoko muskulu esplenioaren atzeko ikuspegia.
• 
  Lepoko muskulatura (ikuspegi laterala).
• 
  Lepoko zeharkako mozketa C6 ornoaren mailan.

• Prometheus. Atlas de Anatomía. 2ª Edición

• Datuak: Q2362434