NCAAko lehen maila
NCAAko lehen maila, D-I bezala ere ezaguna, NCAAren barneko lehiaketa maila gorena da, AEBetako liga unibertsitarioa. Maila honetan daude kirol maila altuena duten unibertsitateak, maila honetan baimentzen bait da kirolari kopuru handiena biltzea unibertsitateak ordaindutako beken bidez.
Historia
NCAA mailetan banatu zen 1973ko abuztuan, I., II. eta III. mailak eratuz, talde bakoitzeko kirolariei eskaini ahal zaizkien beka kopuruaren arabera.
Polemika
Nolabaiteko polemika dago NCAAren barnean unibertsitate batzuek I. mailan soilik kirolen batean parte hartzeko dagoen onarpenari buruz, beste kiroletan beste maila batean parte hartzen duten bitartean. Hau da Johns Hopkins Unibertsitatearen kasua lacrossean, Le Moyne Collegena beisbol eta emakumeen lacrossean edo Colorado Collegena izotz hockeyan esate baterako. Oraingoz, kasu hauek onartzen jarraitzen dira, baina NCAAren sektore batzuen aldetik oposizio handiz.
Azpimailak amerikar futbolean
I. maila maila bakarra da kirol guztietarako futbol amerikarrerako izan ezik, non 1978an lehenik eta 2006an berriz taldeak bi azpimailatan banatu ziren:
- Football Bowl Subdivision (FBS): Futbol amerikarrean hoberenak diren unibertsitateak daude bertan (I-A maila deitua 1978 eta 2006 bitartean).
- Football Championship Subdivision (FCS): Futbol amerikarreko taldea duten gainontzeko unibertsitateak daude bertan (1978 eta 2006 bitartean I-AA maila deitua).
I. mailako unibertsitateen artean futbol amerikarra praktikatzen ez dutenak daudenez, kirol kazetariek eta kirol honetako teknikariek talde hau I-AAA maila deitzen dute, baina ez da azpimaila bat (beste biak baino ez baitira existitzen) baizik eta erakunde hauei teknikoki erreferentzia egiteko modu informal bat. Ez da sekula erabili behar futbol amerikarra ez diren kiroletan, beste kirol guztietan ez baitago azpimailarik. Hau da, saskibaloi talde bat deskribatzen badugu, adibidez, ezin da I-AAA mailakoa bezala definitu bere unibertsitateak futbol amerikar talderik ez izan arren, saskibaloian I. mailako unibertsitaeak hala bait dira, besterik gabe.
Football Bowl Subdivision (FBS)
Azpimaila hau denboraldian zehar euren estadioetan batez beste 15.000 ikusle baino gehiago dituzten eta euren futbol amerikar taldea osatzeko ikasle-kirolariei 85 beka eskaini diezaieketen unibertsitateek osatzen dute. Akademia militarretako taldeak beka mugatzeetatik at daude, bertako ikasle guztiek funts publikoekin ikasten baitute.
2006tik, futbol amerikarreko azpimaila honetako bi talderik hoberenek kirol honetako NCAAko I. mailako txapeldun nazional izateagatik lehiatzen dute, BCS National Championship Game bezala ezagutzen den partiduan.
Konferentziak
Jarraian agertzen diren konferentzietako unibertsitateetako futbol amerikarreko talde guztiak FBS azpimailako taldeak dira, konferentzia hauetan parte hartzen duten unibertsitateren batzuk futbol amerikar talderik ez izan arren (adibidez DePaul Unibertsitatea, Marquette Unibertsitatea, Providence College, Seton Hall Unibertsitatea eta St. John's Unibertsitatea, Big East Conferencekoa).
Konferentzia | Akronimoa | Sorrera | Kideak | Kirolak |
---|---|---|---|---|
American Athletic Conference | The American | 1979 | 11 | 21 |
Atlantic Coast Conference | ACC | 1953 | 15 | 26 |
Big Ten Conference | Big Ten, B1G | 1896 | 14 | 28 |
Big 12 Conference | Big 12 | 1994 | 10 | 21 |
Pacific-12 Conference | Pac-12 | 1959 | 12 | 22 |
Southeastern Conference | SEC | 1932 | 14 | 20 |
Conference USA | C-USA | 1995 | 14 | 19 |
Mid-American Conference | MAC | 1946 | 12 | 23 |
Mountain West Conference | MWC | 1999 | 11 | 19 |
Sun Belt Conference | Sun Belt | 1976 | 11 | 18 |
Konferentzia hauetako talde guztiez gain, jarraian aipatzen diren taldeek independente bezala parte hartzen dute Football Bowl Subdiviion (FBS) azpimailan:
- Army Black Knights (gainontzeko kiroletan Patriot Leaguean parte hartzen duena).
- BYU Cougars (gainontzeko kiroletan West Coast Conferencean parte hartzen duena).
- Navy Midshipmen (gainontzeko kiroletan Patriot Leaguean parte hartzen duena).
- Notre Dame Fighting Irish (gainontzeko kiroletan Big East Conferencean parte hartzen duena).
Football Championship Subdivision (FCS)
Azpimaila honetako unibertsitateek 63 kirol beka eskaini ditzakete futbol amerikar talderako.
Futbol amerikarreko azpimaila honetako talderik hoberenek denboraldi osteko torneo bat jokatzen dute, FCS National Football Championship izenekoa azpimailako garailea erabakitzeko.
Konferentziak
Aurreko konferentzietan bezala, jarraian aipatzen diren konferentzietan ere badaude futbol amerikar talderik ez duten unibertsitateak, baina duten eta aipatzen diren konferentzietan dauden guztiak FCS azpimailakoak dira (Army eta Navy izan ezik, Patriot Leaguekoak, FBSan independente bezala jokatzen dutenak, lehen ikusi ahal izan den bezala).
Konferentzia | Akronimoa | Sorrera | Kideak | Kirolak |
---|---|---|---|---|
Big Sky Conference | Big Sky | 1963 | 12 | 16 |
Big South Conference | Big South | 1983 | 11 | 18 |
Colonial Athletic Association | CAA | 1983 | 10 | 21 |
Ivy League | Ivy League | 1954 | 8 | 33 |
Mid-Eastern Athletic Conference | MEAC | 1970 | 13 | 15 |
Missouri Valley Football Conference | MVFC | 1985 | 10 | 1 |
Northeast Conference | NEC | 1981 | 10 | 22 |
Ohio Valley Conference | OVC | 1948 | 12 | 17 |
Patriot League | Patriot | 1986 | 10 | 23 |
Pioneer Football League | Pioneer Football | 1991 | 11 | 1 |
Southern Conference | SOCON | 1921 | 10 | 20 |
Southland Conference | Southland | 1963 | 10 | 20 |
Southwestern Athletic Conference | SWAC | 1920 | 10 | 18 |
Konferentzia hauetako talde guztietaz gain, jarraian aipatzen diren taldeek independente bezala jokatzen dute Football Championship Subdivision (FCS) azpimailan:
- Bryant Unibertsitatea
- Iona College (gainontzeko kiroletan Metro Atlantic Athletic Conferencean parte hartzen duena).
- Marist College (gainontzeko kiroletan Metro Atlantic Athletic Conferencean parte hartzen duena).
- Erdialdeko Ipar Karolina
- Savannahko Estatala
Beste konferentzia batzuk
Jarraian agertzen direnak NCAAko I. mailako gainontzeko konferentziak dira, euren kirolen artean futbol amerikarra ez dutenak.
Konferentzia | Akronimoa | Sorrera | Kideak | Kirolak |
---|---|---|---|---|
America East Conference | America East | 1979 | 9 | 18 |
Atlantic Sun Conference | Atlantic Sun | 1978 | 8 | 19 |
Atlantic 10 Conference | A-10 | 1975 | 14 | 21 |
Big East Conference | Big East | 2013 | 10 | 22 |
Big West Conference | Big West, BWC | 1969 | 9 | 16 |
Horizon League | Horizon League | 1979 | 9 | 19 |
Metro Atlantic Athletic Conference | MAAC | 1980 | 11 | 23 |
Missouri Valley Conference | MVC; Valley | 1907 | 10 | 19 |
The Summit League | The Summit | 1982 | 9 | 19 |
West Coast Conference | WCC | 1952 | 10 | 14 |
Western Athletic Conference | WAC | 1962 | 8 | 19 |
Izotz hockeyko I. Maila
Izotz hockeya AEBetako iparraldeko eskualdetara oso mugatua dagoenez, konferentzia erabat ezberdinak dituzte kirol honetarako. Horregatik, ohikoa da aurretik aipaturiko konferentzietan kirol guztietan parte hartzen duten unibertsitateak topatzea, izotz hockeyan izan ezik, non kirol honek konferentzia berezi batean parte hartzen duten.
Konferentziak
Konferentzia | Akronimoa | Sorrera | Kideak (Giz./Ema.) |
---|---|---|---|
Atlantic Hockey | AHA | 2003 | 11 (11/0) |
College Hockey America | CHA | 1999 | 6 (0/6) |
ECAC Hockey | ECAC | 1962 | 12 (12/12) |
Hockey East Association | Hockey East, HEA | 1984 | 12 (11/10) |
National Collegiate Hockey Conference | NCHC | 2013 | 8 (8/0) |
New England Women's Hockey Alliance | NEWHA | 2018 | 6 (0/6) |
Western Collegiate Hockey Association | WCHA | 1951 | 15 (10/7) |
Kanpo estekak
- (Ingelesez)NCAAko I. mailako unibertsitateen zerrenda
Datuak: Q2842604
Multimedia: NCAA Division I / Q2842604