Sarnath
Sarnath | |
---|---|
census town of India (en) ![]() | |
![]() ![]() | |
Administrazioa | |
Herrialdea | ![]() |
Indiako estatua | Uttar Pradesh |
Division of Uttar Pradesh | Varanasi division |
Indiako barruti | Varanasi barrutia |
Geografia | |
Koordenatuak | 25°22′52″N 83°01′17″E / 25.3811°N 83.0214°E / 25.3811; 83.0214 |
![]() | |
![]() | |
Demografia | |
Informazio gehigarria | |
Ordu eremua | UTC+05:30 |
Sarnath (hindiz: सारनाथ) edo Sārnātha (batzuetan Mrigadava, Migadāya, Rishipattana, Isipatana), Varanasin dagoen herria da, gaur egun aztarnak baino gelditzen ez direlarik. Budistentzako lau toki sakratuetako bat da.
Etimologia
Gaur egun Sarnathen aurkitu diren aztarnak antzinako Isipatana hiriari dagozkio. Isipatana izenak "gizon sakratuak lurrera erori ziren tokia" esan nahi du, izan ere kondairak dio gizon sakratuek Himalaia mendikatetik salto egin eta bertan erori zirela.
Historia
Budak bertan eman zuen bere lehen sermoia, Dharmari (erlijioari) hasiera emanez eta lehenengo Sangha (komunitate budista) sortuz. Idatziek diotenez Buda hil eta bi mendetara 12.000 monje budista bizi ziren Isipatanan, ondoan zegoen Varanasiri esker hiria nabarmen aberastu eta hazi zen. Xuanzang erromes txinatarrak VII mendean esan zuen 30 monasterio budista ikusi zituela bertan, bai eta hainbat hindu eta jainista ere.
XII mendean musulman turkiarrek eraso zuten hiria eta arpilatu ondoren erabat suntsitu zuten. Isipatanaren bila aritu ziren XIX mendeko arkeologoak eta Alexander Cunningham ingelesak aurkitu zuen Varanasitik 13 kilometrotara, gaur egungo Sarnath herrian.
Egitura
Hainbat eraikin ikus daitezke Sarnathen:
- Dhamek estupa: Sarnatheko eraikin garrantzitsuena da. 500. urtean eraiki omen zen Asoka enperadoreak k.a.249an eraikia zuen beste baten gainean. Buda eta bere ikasleen erlikiak dauzka barnean. Adreilu eta harrizko zilindro handi bat da, 43 metroko altuera eta 28 metroko diametroa duena. Oinarria oso dekoratua dago eta oraindik ondo mantentzen dira irudiak.
- Dharmarajika estupa: Ashokaren aurreko estupa baten aztarnak dira.
- Chaukhandi estupa: Budak bere lehenengo ikasleak aurkitu zituen tokian dagoen estupa da. IV. eta VI. mendeen artean eraiki zen.
- Ashokaren zutabea: k. a. III mendean Asokak hainbat zutabe eraiki zituen gainean lehoien irudia zeukatenak. Sarnathekoa berezia da, hiru lehoi agertzen baititu. Gaur egun Indiako sinbolo nazionala bihurtu da.
Kanpo estekak
Datuak: Q324394
Multimedia: Sarnath / Q324394