Shadia Mansour
Shadia Mansour | |
---|---|
![]() | |
Bizitza | |
Jaiotza | Londres, 1985 (38/39 urte) |
Herrialdea | ![]() ![]() |
Hezkuntza | |
Hizkuntzak | ingelesa |
Jarduerak | |
Jarduerak | zeremonialaria eta raperoa |
Izengoitia(k) | Shadia Mansour |
Genero artistikoa | hip hop musika |
Musika instrumentua | ahotsa |
myspace.com… | |
![]() ![]() ![]() ![]() ![]() |
Shadia Mansour, arabierazشادية منصور, ezaguna 'Hip-hoparen Lehen dama arabiarra' izenez (Londres, Britainia Handia, 1985) hip-hop kantari britainiar-palestinarra eta zeremonialaria.[1]
Biografia
Londresen jaioa, Shadia Mansour Haifako eta Israelgo hiri arabiar handiena den Nazareteko familia palestinar kristau batekoa da.[2] Gaztetatik, gurasoei lagundu zien palestinarren aldeko manifestazioetan, eta bospasei urte zituenean hasi zen kantatzen.[3] Pixkanaka, Londresko komunitate palestinarrean ezagutarazi zen protesta-kantak abesten arabiar klasikoan. Arte eszenikoak ikasi zituen Londresen eta antzerki eta musika lan askotan parte hartu zuen. Graduatu ondoren, entrenamendu pertsonaleko diploma lortu zuen. Lanbide horri esker, musika-debuta finantzatu du.[2]
Musika ibilbidea
2003an, Amsterdamen hasi zen rap kantatzen, kasualitatez, eta Eslam Jawaad rapzale siriarrar ezagutu eta Arap hip-hoparen taldeko kide izatera gonbidapena jaso zuen. 2007an, Mahmoud Jreri rapzalearekin elkarlanean hasi zen. 2008an lehen emanaldiak egin zituen Zisjordanian, Israelgo Lod hirian jaiotako DAM rap-talde palestinarreko Tamer eta Suhell Nafar anaiekin. Lankidetza horien eta Palestinako lehen biraren ondorioz, Palestinako politikaren eta gizartearen konplexutasunaren berri izanda, hasierako jarrera leundu egin zuen, ez babesteko ez Hamas ez Al-Fatah eta adiskidetzera deitzeko.[2]
2009an, Shadiak Herbehereetan zehar bira bat egin zuen, Symphony Arabica proiekturako orkestrarekin eta haurren koruarekin. Urteko Black August Benefit jaialdia ere ireki zuen, Q-Tip, EPMD eta Immortal Technique bezalako rapzaleentzat, eta Arab World Fest-eko protagonista izan zen Milwaukee-n. Estatu Batuetan zehar birak egin zituen eta Busta Rhymesen eta Mobb Deepen teloneroa izan zen New Yorkeko Palladium Club ospetsuan. 2009ko The Narcicyst-en albumean, Hamdullilah abestian eta Long Live Palestine-ren Lowkey-ren remakean ere parte hartu zuen.[4] Chuck Dk, Public Enemy taldeko buruak, bere atarian sartu du, emakumezkoen rapzaleei eskainitako SHEmovement.com atarian.
2010ean, Shadia Mansourrek eta Lowkey rapzale brittainiar-irakiarrak Norman Finkelstein idazleari Free Palestine Tour izeneko bira batean lagundu zioten, 2008an Israelen Gazako Zerrendaren inbasioari buruzko This Time We Went Too Far liburua kaleratutako liburua zela eta.[5]
Bere lehen singlea, Al kufiyyeh arabeyyeh (Kufiyya arabiarra da), Johnny Juice Rosado rapzalearen (Public Enemy taldeko ekoizlea) SLAMjamz markak ekoitzi zuen, eta Estatu Batuetako Dead prez taldeko M1-ek parte hartu zuen.[6]
2014. urtean, Ana Tijoux rapzale txiletarrarekin Hegoaldea gara izneko abestian lankidetzan aritu zen Banator LPan.[7]
Eraginak eta kultur eragina
Bere eragileak
Umm Kulthum, Fayrouz, Abdel Halim Hafez eta Mohammad Abdel Wahab kantari arabiar klasikoek eragina izan zuten Shadia Mansourren musikan. Politika- eta kultura-aholkularien artean, aipatzekoak dira Mahmoud Darwish poeta palestinarra, Norman Finkelstein idazle eta politika-zientzietako aditua, Noam Chomsky hizkuntzalari eta filosofoa, Edward Said autore eta musikologoa, eta John Pilger eta Robert Fisk kazetariak. Juliano Mer-Khamis , aktore, idazle eta antzerki-zuzendaria den lehengusuak, eragin erabakigarria izan zuen bere prestakuntzan eta iritzietan.[2]
Eragile
Shadia Mansourrek arabieraz eta ingelesez kantatzen du. Bere abestien letrek osagai politiko sendoa dute, eta onartzen du etsaitzat har daitezkeela, baina indarkeriarik gabeko erresistentzia-erakoak direla.[1] Arabiarren hip hop-eko izarretako bat da, eta haren ibilbidea zapalkuntzaren aurkako musika-intifada gisa hartzen du, bereziki Palestinaren okupazioaren, emakumeen aurkako errepresioaren eta musikaren aurkako oposizio kontserbadorearen aurka.[2] Ekialde Ertaineko beste rapzale batzuen belaunaldikoa da, batez ere Palestinakoena, kulturalki desagertarazi nahi duten beren nortasun arabiarra berresteko.[5]
Aintzatespenak
- Chuck Dk emakumezkoen rapzaleei eskainitako SHEmovement.com atarian sartu zuen.
Erreferentziak
- ↑ a b Jon Donnison. (7 de septiembre de 2010). British Palestinian rapper conducts a 'musical intifada'. BBC News.
- ↑ a b c d e Janne Louise Andersen. (4 de septiembre de 2011). The Passion, Politics and Power of Shadia Mansour. revista Rolling Stone.
- ↑ Jon Donnison. (7 de septiembre de 2010). British Palestinian rapper conducts a 'musical intifada'. .
- ↑ Hip Hop Diplomacy. Shadia Mansour (UK/Palestine). .
- ↑ a b Iara Lee. (27 de julio de 2010). Hip Hop as Global Resistance. The Huffington Post.
- ↑ SLAMjamz.com. (10 de noviembre de 2011). The First Lady of Arabic Hip-Hop, Palestinian MC Shadia Mansour album underway. .
- ↑ Revisa el nuevo videoclip de Ana Tijoux y la palestina Shadia Mansour. La Tercera 10 de junio de 2014.
Kanpo estekak
Datuak: Q4801165