Udaberriko astatipula

Udaberriko astatipula
Irudi gehiago
Sailkapen zientifikoa
Erreinua	Plantae
Ordena	Asparagales
Familia	Asparagaceae
Generoa	Scilla
Espeziea	Scilla verna Nyman

Udaberriko astatipula^[1] (Scilla verna) Asparagaceae familiako landare espezie bat da. Europan mendebaldean hazten da eta izar itxurako lore urdinak udaberrian ateratzen ditu.

Deskribapena

Landare bizikorra da, belarkara eta beraz txikia da. Erraboil batetatik hazten da eta 5-15 cm-ko altuera hartzen du. 2-7 hosto ateratzen dira erraboil horretatik, luze eta estuak, 20 cm arte har dezaketenak. Punta kamutsa dute eta ahurrak dira. Loreen zurtoinak baino handiagoak diren arren alboraka zabaltzen dira eta ongi ikusten da lorea.

Loreak multzoka ateratzen dira udaberrian, 6-12 ale, usaingabeak dira. Izar itxura hartzen dute irekitzen direnean. 5-8 mm luze diren sei petalo urdin-more argi dituzte eta oinarrian braktea urdina dute.

Haziak oboide itxurakoak dira eta kolore beltza dute.

Habitata

Altuera txikiko belarra dagoen zelaietan agertzen dira, askotan itsasertzetik gertu. Hala ere 2.200 metrotako altueran ere ikusi izan da^[1].

Iruditegia

• 
  Lore urdinak.
• 
  Lore urdin-more argiak.
• 
  Loreak itsasertzean.

Erreferentziak

Kanpo estekak

• Datuak: Q3034404
• Multimedia: Scilla verna / Q3034404
• Espezieak: Scilla verna