Walter Guevara
Walter Guevara | |||||||
---|---|---|---|---|---|---|---|
![]() ![]() | |||||||
1979ko abuztuaren 8a - 1979ko azaroaren 1a ← David Padilla - Alberto Natusch →
| |||||||
Bizitza | |||||||
Jaiotza | Cochabamba, 1912ko martxoaren 11 | ||||||
Herrialdea | ![]() | ||||||
Heriotza | La Paz, 1996ko ekainaren 20a (84 urte) | ||||||
Hezkuntza | |||||||
Heziketa | Chicagoko Unibertsitatea | ||||||
Hizkuntzak | gaztelania | ||||||
Jarduerak | |||||||
Jarduerak | diplomazialaria, idazlea eta politikaria | ||||||
Jasotako sariak | ikusi
| ||||||
Sinesmenak eta ideologia | |||||||
Erlijioa | katolizismoa | ||||||
Alderdi politikoa | ![]() ![]() Revolutionary Nationalist Movement (en) ![]() | ||||||
![]() |
Walter Guevara Arze (Cochabamba, Bolivia, 1912ko martxoaren 11 – La Paz, Bolivia, 1996ko ekainaren 20a) boliviar politikaria izan zen. Errepublikako behin-behineko lehendakari izendatu zuten 1979an.
Biografia
Zuzenbide-ikasketak egin zituen San Andresko Unibertsitatean, La Pazen, eta Gizarte Zientzietako ikasketak Chicagoko Unibertsitatean. Víctor Paz Estenssoro eta Hernán Siles Zuazorekin batera, Nazio Mugimendu Iraultzailea (MNR) sortu zuen. Kanpo Arazoetako ministro izan zen Paz Estensororen lehendakaritzapean, 1952tik 1956ra, eta orobat Siles Suazoren lehendakaritzapean ere, 1956tik 1960ra. Azken honen agintaldian ere Barne-ministro izan zen, eta Boliviako enbaxadore Amerikako Estatuen Erakundean (AEE) eta Nazio Batuen Erakundean.
1960ko hamarraldian MNR barruko tirabirek lau sektoretan hautsi zuten alderdia. Guevara Arcek, talde disidenteen buru, Alderdi Iraultzaile Benetakoa (PRA) sortu zuen azkenik. Hugo Banzer jeneralaren erregimen gogorraren aurkari zorrotzenetako bat bihurtu zen, batez ere nazioarteko politikari zegokionez. 1979ko abuztuan Boliviako behin-behineko lehendakari hautatu zuten urtebeterako. Handik gutxira, baina, Alberto Natusch jeneralak kargutik bota zuen indarrez, Santu Guztien Eguneko Sarraskian, 1979ko azaroaren 1ean. 1983tik aurrera Boliviako enbaxadore izan zen Venezuelan.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2012-01-09 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q80924
Multimedia: Wálter Guevara / Q80924