X10

X10
Bizitza
Jaiotza	?
Herrialdea	Euskal Herria
Hezkuntza
Hizkuntzak	euskara
Jarduerak
Jarduerak	kale-artista, grafiti artista eta blogaria
Izengoitia(k)	X10

X10 (ahoskatua, ixa-hamar) blogari, argazkilari eta kaleko artista anonimo euskalduna da, txantiloi artea lantzen duena, baina baita kaleko artearen beste diziplina batzuk^[1].

Lanak

Argazkilaritza

Argazkilari gisa, Pinhole camera teknikarekin egiten ditu argazkiak, eta solargrafiak ere egiten ditu^[2].

Kaleko artea

Txantiloiak egiten nabarmendu izan da. Euskal gaiak ere barneratzen ditu horietan. Adibidez, labar arteko Santimamiñeko bisonteekin eta Ekaingo zaldiekin txantiloiak egin izan ditu.

Bere kaleko arte ekintzen adibideak:

Pi zenbakia marraztu Gatzagako frontoian, hain zuzen ere proportzioak eskatzen zuen puntuan. X10ek bere lana egin ondoren, berriztu egin zuen pilotalekua Leintz Gatzagako Udalak, eta berriztapenean eutsi egin zioten Pi koadroari^[3].
Telegarraio unitatea^[4]^[5]: kale-instalazioa, bideoa eta guzti.
Itsasteko kartelak: uda-negua aukeratzekoa^[6].
Errepideko seinaleetan interbentzioa: Lenin Gatzaga, Leintz-Gatzagaren ordez^[7].

Txantiloi adibideak

X10en lan handi baten detailea.
Apoa zapaldua bidegorrian.
Ekaingo zaldiak eta Santimamiñeko bisontea.
Roadsworth kale-artistaren ideia batean oinarrituta.
Leintz Gatzagako frontoian Pi zenbakia margotu zuen, udalak frontoia berriz marraztean mantendu egin zuen irudia.

Erreferentziak

Wikimedia Commonsen badira fitxategi gehiago, gai hau dutenak: X10

↑ «X10: stencil edo txantiloi artearen maisu euskaldun bat» sustatu.eus (Noiz kontsultatua: 2018-09-27).
↑ (Ingelesez) «Solargraphy» Flickr (Noiz kontsultatua: 2018-09-27).
↑ «Leintz-Gatzagako pilotalekua, π koadroa markatuta duela» sustatu.eus (Noiz kontsultatua: 2018-09-27).
↑ (Ingelesez) «teletransportation by X10» Flickr (Noiz kontsultatua: 2018-09-27).
↑ (Ingelesez) «Teletransportation» Flickr (Noiz kontsultatua: 2018-09-27).
↑ (Ingelesez) «switched to summer» Flickr (Noiz kontsultatua: 2018-09-27).
↑ (Ingelesez) «Lenin-Gatzaga» Flickr (Noiz kontsultatua: 2018-09-27).