Bhimbetkako harkaitz aterpeak
Bhimbetkako harkaitz aterpeak | |
---|---|
![]() | |
![]() ![]() | |
Kokapena | |
Herrialdea | ![]() |
Indiako estatua | Madhya Pradesh |
Madhya Pradesheko banaketa | Bhopal division |
Indiako barruti | Raisen barrutia |
Koordenatuak | 22°56′19″N 77°36′52″E / 22.93863333°N 77.61438056°E / 22.93863333; 77.61438056 |
![]() | |
Arkitektura | |
Azalera | 1.893 ha |
Gizateriaren ondarea | |
Irizpidea | (iii) eta (v) |
Erreferentzia | 925 |
Eskualdea[I] | Asia eta Ozeania |
Izen-ematea | 2003 (XXVII. bilkura) |
|
Bhimbetkako harkaitz aterpeak Indian ezagutzen diren lehenengo giza aztarnak dira. Harri Aroko margolanak dira eta 9.000 urte inguru dituzte, munduko zaharrenetarikoak izanik. Madhya Pradesh estatuan daude; aztarnategiak 1.893 hektarea ditu, 10.280 ha-ko babestutako lurraldean. Unescok Gizateriaren Ondarea gisa sailkatuta dauzka. Leizeak Bhopaletik 45 km.tara daude,eta ekologiaren ikuspuntutik oso inguru aberats batean daude.[1]
Kronologia
Bhimbetkaren labar-pinturek Indiako giza bizitzaren aztarnarik zaharrenak erakusten dituzte, Harri Aroko harkaitzeko pinturok 9000 urte dituzte gutxi gorabehera, eta munduko zaharrenetakoak dira. Margo hauek, estilo aldetik, munduko beste batzuekin lotuak izan dira: Australiako Kakadu Parke Nazionalekoekin, Frantziako Lascaux leizekoekin, Kalahari basamortuan aurkitutakoekin...
Izena
Aurkitzailearen beraren arabera, Vishnu Shridhar Wakankar,[2] Bhimbetka izena bhīm bait ka (‘Bhima harkaitz hauetan eseri zena’) dialekto-esalditik etorriko litzateke. Bhima sanskritozko Mahābhārata testu epikon agertzen den pertsonaia da.
Aurkikuntza
Bhimbetka 1888an aipatu zen lehen aldiz, leku budista gisa. Pinturak 1957an aurkitu zituen Vishnu Shridhar Wakankar (1919-88) arkeologo indiarrak. Azterketa arkeologikoek Harri Aroko kulturen sekuentzia jarraitua erakusten dute, Acheul alditik Mesolitoraino. Harpeek haitzuloetan bizi ziren pertsonen bizitza erakusten duten hainbat pintura interesgarri dituzte, jaiotza, dantza eta edarien eszenak, erritu erlijiosoak eta lurperatzeak barne. Margolanek bisonteak, elefanteak, indioilarrak, errinozeroak. basurdeak eta tigreak bezalako animaliak ere erakusten dituzte.[3] Yiotsna Kamat arkeologoaren ustez, leizeen biztanleek batez ere frutak, tipulak animalia txikiak (hegaztiak, arrainak), basurdea eta eztia jaten zuten; ardoaren edo alkoolaren aztarnarik ez da aurkitu.[2]
Iruditegia
- Sarrera.
- Margolanak haitzetan.
- Pasiluak harkaitz artean.
- Basurdea ehiztarien aurka.
Erreferentziak
Kanpo estekak
- (Frantsesez):Unescoren informazioa.
- (Ingelesez):Leizeen bideoa Youtuben.
- (Gaztelaniaz):Argazkien bilduma.
Datuak: Q331603
Multimedia: Rock shelters of Bhimbetka / Q331603
![]() | Gizateriaren Ondarea Indian | ![]() |
---|---|---|
Kulturala |