Lactarius spinosulus
Lactarius spinosulus | |
---|---|
Irudi gehiago | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Russulales |
Familia | Russulaceae |
Generoa | Lactarius |
Espeziea | Lactarius spinosulus L. Quélet eta Le Bret, 1880 |
Banaketa mapa | |
Lactarius spinosulus Russulaceae familiako onddo espezie bat da.[1] Jangarritasuna zalantzan, hobe ez jatea.
Sinonimoak: Lactifluus spinosulus, Lactarius lilacinus var. spinosulus, Lactarius mitificus.
Deskribapena
Kapela: 2 eta 6 cm bitarteko diametrokoa, ganbil-titidunetik inbutu formara, eremu zirkularrekin, ertz irregularra, apur bat biribildua gaztetan. Kapelaren azala lehorra, feltroduna, pubeszentea, pikortsua, ezkatatsua, arrosa edo gorrixka-ardo-lila kolorekoa, koloregabetuaz okre antzeko kolorera orban gorri ilunekin.
Orriak: Adnatu-dekurrenteak, mehe samarrak eta zabal, lamelula urkilatuekin, krema argi kolorekoak, zahartuaz iluntzen joaten dira.
Orri dekurrenteak: Hanka ukitzeaz gain beherantz jarraitzen duten orriak.
Hanka: 2,5 eta 5 cm bitarteko luzerakoa, foseta luzangekin, kapela baino kolore apur bat argiagoarekin (goian batez ere), tantotua, oinarri zurixka. Latex zuria, zaporea gozotik garratzera, orriak berde-marroi kolorez zikintzen ditu.
Haragia: Mehea, arrosa-haragi kolorekoa. Usaingabea, zaporea gozotik garratzera. Espora-jalkina okre zurbil-arrosa kolorekoa.[2]
Etimologia: Lactarius terminoa “lac” “lactis” esnetik dator, esneari dagokio. Latexa jariatzen dutelako ebakitzean edo haustean.
Jangarritasuna
Ez da jangarria.
Nahasketa arriskua
Lactarius lilacinus delakoaren latexa ere gozotik garratza izatera pasatzen da, txikoria usaina du, habitata ere pagoetan eta haltzetan.
Sasoia eta lekua
Udazkenean, uztaila-abendua, batez ere irailean. Urria. Goi mendiko urkietan. Pinu gorrietan. Espezie higrofiloa, lurzoru hezeetan.
Banaketa eremua
Islandia, Europa, Errusia, Kaukasia, Himalaiako eremua.[3]
Erreferentziak
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Lactarius spinosulus: GBIF—the Global Biodiversity Information Facility.
Kanpo estekak
- Datuak: Q1638902
- Multimedia: Lactarius spinosulus / Q1638902
- Espezieak: Lactarius spinosulus